O alustre 2022

Aquí temos o xornal que pon o punto final do curso 2021-2022, O ALUSTRE:

                                                  

Letras Galegas 2022

 Foron varias as actividades realizadas. Algunhas recóllense a continuación:

EXPOSICIÓN DE CARTEIS

Que visitaron entre outros os nenos e nenas de 5º de primaria

INFOGRAFÍAS

OBRA DE TEATRO

Os rapaces e rapazas de 4º acudiron a unha obra de teatro programada polo concello de O Carballiño sobre a "Vida e Obra de Florencio Delgado Gurriarán"

DEBUXAMOS

Os nenos e nenas de 2º e 3º amosaron as súas dotes artísticas debuxando a Florencio.

XINCANA DA LINGUA

Dende o Concello de O Carballiño, propuxéronnos este obradoiro para o alumnado de 3º de primaria.

Tratáronse de probas grupais e retos lingüísticos cunha importante carga lúdica, na que os rapaces e rapazas tiveron que poñer en xogo as súas destrezas e coñecementos lingüísticos e culturais, en tarefas do día a día, como ir facer a compra, demostrar o seu espíritu festeiro,...

RECITAMOS POEMAS

FIXEMOS UNHA VERSIÓN DA CANCIÓN "CORES" DE MAGÍN BLANCO

2º proxecto: a discapacidade visual

Os nenos e nenas de Ed. Infantil xogaron a "pita cega" e "cada ovella coa súa parella". Deste xeito experimentaron as sensacións do que se sinte cando non se ve, cando estamos privados so sentido da vista.

Os nenos e nenas de 2º de Primaria tiveron unha charla cunha profesora de lingua de signos, Uxía.

Resultou moi interesante!!!!

Os nenos de primeiro e segundo elaboraron o libro, "Sentindo as cores". As cores percibidas con distintos sentidos, para que os nenos e nenas con discapacidade visual poidan aprender as cores.

Os nenos de terceiro e cuarto elaboraron o libro, "Brailleo eu, brailleas ti". Vocabulario relacionado co colexio en galego e braille.

Os nenos de quinto e sexto elaboraron un libro, "As persoas con discapacidade visual tamén destacan." onde aparecen persoas con discapacidade visual que destacan nalgunha disciplina.

O Magosto

 Este ano celebramos o Magosto separados por titorías. As normas COVID, seguen mandando!!! pero non nos impediron que coméramos castañas (cada un as que trouxo da súa casa) e boliños preñados cos que nos agasallou o centro. 

Tamén nos divertimos xogando no patio do colexio a:

XOGOS POPULARES

O Samaín

 Celebramos Samaín e Halloween. Tradición e cultura galegas mesturadas coa tradición inglesa. Por algo somos un colexio plurilingüe.

SAMAÍN

1º proxecto: xordeira e mudez

 Desenvólvese en colaboración co Equipo de Plurilingüismo.

"Rapaces Capaces"

Durante este curso 2021-2022, o EDLG establecemos un proxecto de traballo DEDICADO A DIVERSIDADE FUNCIONAL, que titularemos : “RAPACES CAPACES”

Os temas de traballo serán: xordeira, cegueira, TDH, parálise cerebral, síndrome de Down, autismo e alteración xenética.

Este proxecto busca que O GALEGO se empregue en todas as situacións da vida cotiá do centro ao mesmo tempo que se lle da visibilidade á inclusión social, eliminaremos o costume de etiquetar automaticamente ás persoas polas súas características. Queremos que todas as persoas teñan as mesmas oportunidades e sexan valoradas plenamente, sen que os prexuízos negativos predominen sobre as virtudes. Tendo en conta que no centro contamos con varios nenos/as escolarizados, que presentan diversidade funcional, este proxecto será moi enriquecedor para o centro: un proxecto como COLE INCLUSIVO.

Somos conscientes de que o galego é a lingua oficial no ensino en todos os niveis non universitarios, polo que esta lingua é materia de estudo obrigado e garantirase que ao remate das etapas educativas, nas que o ensino do galego é obrigatorio, o alumnado debe coñecer esta lingua, tanto a nivel oral como escrito, en igualdade co castelán. Para acadar plenas competencias comunicativas nun idioma tense que practicar habitualmente, resulta imprescindible desenvolver actitudes positivas cara ao seu emprego, así como habilitar outras medidas que favorezan o seu uso oral e escrito dentro e fóra das aulas.

Co noso proxecto pretendemos favorecer a competencia comunicativa en galego, favorecendo ao mesmo tempo a INCLUSIÓN EDUCATIVA, tan necesaria nun entorno escolar san.

O método de traballo que empregamos é unha metodoloxía de aprendizaxe por proxectos, que nos vai permitir integrar áreas, reflexionar sobre a realidade, sobre o que acontece, sobre as relacións persoais e sobre as interaccións que se establecen, sobre como se ensina e como se aprende cando todas e todos formamos parte do proceso e facemos camiño conxuntamente.